LEHEN ORRIALDEA

Euskal Iraultza Sozialistaren bidean...



Aupa denok! Ongi etorri!

Blog honen helburua Euskal Iraultza Sozialistaz gogoeta eta eztabaida egitea da.
Karl Marx militante komunista iraultzailearen esaldi maiteen bidean kokatzen gara:
"De omnibus dubitandum" : "Guztia zalantzan jarri"
"Nihil humanum a me alienum puto": "Humanoa den ezer, ez dut arrotzat jotzen".

Iritzi eta gogoeta guztiak, ados egon ala ez, ongi etorriak dira, adimen kolektiboa eztabaidatuz eraikitzen baita.
Baldintza bakarra: irainak eta zakarkeriak ez erabiltzea, eta eztabaida datuz eta dataz, arrazoiz zein argudioz egitea, jendetasunez eta adeitasunez.
Oroz gainetik, geure egiten dugu XVI. mendeko komunista iraultzaileen oihua:

OMNIA SUNT COMMUNIA!!!

2014/01/24

ATZO, GAUR ETA BETI, BORROKA DA BIDE BAKARRA! ATXIK ETA JO AITZINA!


 
2007 - 2014
ZAZPI URTE HAUETAKO BILANA :

GORA 
EUSKAL IRAULTZA SOZIALISTA!

AGUR ETA OHORE, ARKAITZ!!!
OMENALDIRIK ONENA, GARAIPENA!!!

Idazki hau urtarrilaren 25ean argitaratu nahi nuen, baina gripe gaizto batek ohean iltzatu nau zenbait astez, eta argitaratzeko orduan Arkaitzen heriotzaren berri jakin dut. Bihotz-zolaraino hunkiturik, azterketa eta gogoeta hauek berari eskaintzen dizkiot, jakinda Arkaitzen aldeko omenaldirik hoberena kalean, lantegian, ahal dugun leku guztietan borrokatzea dela, nazio- eta klase-etsai guztiak birrindu arte, burgesia espainola, frantsesa eta baskoa, eta Inperialismo anglo-saxoia. Omenaldirik onena Euskal Iraultza Sozialista egitea izanen da, eta horretarako bide bakarra dugu aitzinean: formakuntza, antolakuntza eta borroka iraultzailea! Nork bere tokitik eta bidetik!

gogoan

AGUR ETA OHORE, ARKAITZ!
GARAIPEN ARTE, BETI!
JOTAKE IRABAZI ARTE!


1.- OINARRI-OINARRIZKO GALDERA

Euskal Iraultza egitea posiblea da? Euskal Iraultza egiteko indar eta baliabideak baditugu? Euskal Iraultzaren garaipena erdiesten ahal dugu? Galdera hauen erantzunen arabera egituratzen da norberaren jarrera teoriko eta praktikoa, itaun hauei ematen diegun arrapostuaren ildoan artikulatzen da gure praxia, konszientea ala inkonszientea. Zeren den-denok, nork bere mailaren eta halen arabera, garatzen dugu praxi bat edo bertze.

Azterketa sakonak ala intuizio bat-batekoak, berdin dio, gure jarreren erroetako oinarri-oinarrian dagoen dilema hauxe da: Euskal Iraultza posible dea? 

Baiezkoan, eztabaida taktika eta estrategia iraultzaileen inguruan zentratzen da: nork, nola, noiz, non...

Ezezkoan, eta 2007ko urtarrilaren 25ean jadanik idatzi nuenez, "Iraultzaren aukera baztertzen den heinean, sistema kapitalista eta inperialistan integratzea bertze biderik ez zaigu gelditzen.Hori bai, ahalik eta baldintza hoberenetan."   

Hauxe da gaur egungo egoera politikoaren giltza: Ezker Abertzaleko zuzendaritza politikoak aspaldian utzi zion Euskal Iraultzaren egingarritasunean sinesteari, eta ondorioz, gaur egungo Sistema Kapitalista eta Inperialistan integratzea erabaki zuten, negoziazio batzuen bidez, ahalik eta baldintzarik hoberenetan. Noiz izan zen hori zehazki? Zein momentutan? Zaila da hori zehaztea, bainan argi dago 2006-2007ko prozesu negoziatzailean, jadanik (eta militante batzuen kasuetan, hagitzez lehenago...) Ezker Abertzalearen zuzendaritza politikoak sisteman integratzea bilatzen zuela argi eta garbi, eta ez inolako haustura demokratiko-iraultzailerik.Ondorioz etorrri zen praxi (kontra)iraultzaileak argiro frogatu du hori, ez baitzen estrategia iraultzaile politiko-militarra bakarrik likidatu, baizik eta ENAMen baitan ildo iraultzaileari nola edo hala eusten saiatzen zirèn antolakundeak ere: EKIN, SEGI, ASKATASUNA... Eta horrekin batera, Estatu zapaltzaile kapitalistek exigitzen zuten desarme teoriko-ideologiko guztia bete egin da txintxo-txintxo: "biolentzia"ren errefusa eta kondena, elektoralismo eta instituzionalismo merkea, "biktimen" mina aitortzea, eta abar, eta abar, etabar...

Nola gertatu zen hau guztia? Nola iritsi ginen honaino? Horretarako, ENAMen historiaren bilan autokritikoa egin behar dugu, gupidarik gabe, ikusteko zein izan diren gure hutsak eta hanka sartzeak azken 40 urteetan. 

Baina eboluzio eta bilakaera honen muinean, bihotzean eta erdigunean, aipatutako galderaren erantzuna datza: Euskal Iraultza posiblea al da? Irabazten ahal dugu? Garaipena erdiesten ahal dugu Estatu Espainol eta Frantsesaren aurka eta beren morroi baskoen kontra?

Egunotan "Borroka Garaia Da!" blogean artikulu bikaina irakurri dut honi buruz. Zalantza eta etsipenaren birus informatikoak gure gogo-bihotzaren jabe egiten direlarik, Iraultzaren esperantza gorria galtzen dugunean, orduan hasten gara irtenbide "posibilistak" bilatzen, estrategia "eraginkorrak" proposatzen, planteamendu "errealistak" egiten, eta emeki-emeki eta ia-ia ohartu gabe, Sistema zapaltzaile maltzur honen altzoan goxo-goxo kulunkatzen, betiko helburu eta idealak bazterrean utzita, "iraganeko kontuak" direlakoan... Artikulu bikain hau iruzkinetan ezarri dut, espainolez idatzita baitago, baina zuzenean kausitzen hala duzue "Borroka Garaia Da!" blogean: "Cordyceps Unilateralis". Bertan maisuki azaltzen eta adierazten du egileak onddo bizkarroi baten jokaera harrigarria xinaurriekin, eta honek Sistema Kapitalistarekin duen lotura metaforiko zuzen eta sakona. 

Euskal Herri Langilearen Iraultzaren lau helburu historikoen aldeko borroka berpizteko, Euskal Herri batu, independente, sozialista eta euskaldunaren alde berriz gogor eta gogoz borrokan hasteko, egin behar den lehendabiziko gauza Inperialismoak eta bere morroiek introiektatu diguten "Cordyceps Unilateralis" pentsamendu toxiko kontrairaultzailea gure burmuinetatik egoztea, nola edo hala, eta kosta ahala kosta.

Hori egin ezean, jai daukagu!

Idazki hau zirriborro bat da, eta momentuz honaino iritsi naiz. Zuen ekarpen, kritika eta iradozikunen zain gelditzen naiz! 
 
2.- NEGOZIAZIOAREN ESTRATEGIAREN PORROTA 1984-1989
3.- BLOKE SOZIALISTAREN HONDAMENDIA 1989-1992
4.- SUBIRANISMO (BURGES)AREN MUGAK 1993-1997
5.- MILITARISMOAREN OKERRAK 1997-2003
6.- HAUSTURA TAKTIKO-ESTRATEGIKOA
2004-2006
7.- IRTENBIDERIK GABEKO EGOERA? 2007-2009
8.- INPERIALISMOAREN ESTRATEGIAK
1967-2007
9.- ESTATU-KOLPE BAT EZKER-ABERTZALEAN 2009-2011
10.- KEA SALTZEN ETENGABE
2011-2014
11.- ENAMen LIKIDAZIOA ATALEZ ATAL 
12.- ESTRATEGIA IRAULTZAILERIK GABE, ARRASTAKA
13.- "BASQUE PEACE PROCESS"-EN KRISIA
14.- EUSKAL ERREPUBLIKA SOZIALISTAREN BIDEAN! 

2014/01/16

TEORIA IRAULTZAILEA IRUÑEAN

TEORIA IRAULTZAILEA IRUÑEAN : SOLASALDIA ETA MINTEGIA

Otsailean abiatuko dira Iruñean formazio eta eztabaida jarduera batzuk, Teoria Iraultzailearen inguruan. Egitasmo hau hiru lagunon ekimena izan da, Henrike Galartza, Nafarroako Unibertsitate Publikoko Ekonomia irakaslea, Hedoi Etxarte, idazlea, musikaria eta "La Hormiga Atómica" kolektiboko kidea eta ni neu, Fermintxo.

Otsailaren 1ean, larunbatean, LENIN GAUR ETA HEMEN gaia jorratuko dugu. Ordu bietan elkartuko gara Iruñeko KATAKRAK  kolektiboaren egoitzan, kale Nagusian, 54, lagunen arteko bazkarian, eta 3,30etan solasaldia hasiko da. Gutariko bakoitzak hamar minutuz mintzatzeko aukera izanen du, LENINi buruz, eta ondoren eztabaida eta solasaldiari ekinen diogu. pentsatzen dugu 6,30ak arte-edo luzatzen ahal dela gure arteko hitzaspertua... baina nork daki?

Aurtengo urtarrilaren 21ean, LENINen heriotzaren 90. urteurrena beteko da, eta honela oroitu nahi dugu komunista iraultzaile handi honen lana.


Otsailaren 22an, larunbatean ere, EKONOMIA POLITIKOAREN KRITIKAri buruzko mintegia abiatuko dugu. Hiru lagunok dinamizatuko dugu lan talde hau, urte osoan arituko dena. Hasteko, Karl MARX eta Friedrich ENGELSen MANIFESTU KOMUNISTA irakurriko dugu elkarrekin, eta ondoren denon artean erabakiko dugu zer eta nola ikasi nahi dugu alor luze-zabal honetan: ekonomia politiko burgesaren kritika iraultzailea. geroak erranen...

Dinamika berdina izanen da: ordu bietan lagunen arteko bazkaria KATAKRAK lokalean, eta ondoren, ikastaroa, 3,30etan, 6,30ak arte.

Den-denak gonbidaturik zaudete!!!

Hona hemen LENINen solasaldian nik eramanen dudan materiala, eztabaida pizteko asmoz:




LENIN
FORMAKUNTZA MINTEGIA

IRUÑEAn, 2014ko otsailaren 1ean,
KATAKRAK liburudendan
Ordu bietan, lagunarteko bazkaria
Arratsaldeko 3,30etatik aitzina, solasaldi eta eztabaida irekia,
6,30ak arte (bederen…)
  
BERE OBRAREN ZAZPI ARLO/INTERESGUNE NAGUSI

1.- Lenin eta ekonomia politikoaren kritika.
2.- Lenin eta Antolakunde Iraultzailearen eraikuntza: Alderdi Boltxebikearen historia.
3.- Lenin eta Nazio zapalduen autodeterminazioa.
4.- Lenin eta estrategia integrala.
5.- Lenin eta Inperialismoa.
6.- Lenin eta Sozialismoa/Komunismoa: Estatua eta Iraultza.
7.- Lenin eta Filosofia: Materialismo Dialektikoa.




VLADIMIR ILITX ULIANOV
LENIN
BERE BIZITZAREN
ZAZPI ETAPA


1.- 1870-1887: haurtzaroa eta gaztaroa. Aitaren heriotza eta anaiaren exekuzioa.
2.- 1888-1896: prestakuntza teorikoaren urteak. Lehen urratsak. Espetxea.
3.- 1897-1900: deserria Siberian. Sakontze teorikoa eta estudiatze sistematikoa.
4.- 1900-1904: Iskraren sorrera: mentxebikeak eta boltxebikeak. II Kongresua.
5.- 1905-1914: lehen Iraultza, I. Mundu Gerra, II. Internazionalaren porrota.
6.- 1915-1916: erresistentzia eta antolakuntza. Borroka teorikoak.
7.- 1917-1924: Iraultza Sozialistaren urteak, Proletalgoaren diktadura.
KRONOLOGIA

1870: Vladimir Illitx Ulianov Simbirsk-en sortu zen, Volga ondoan, apirilaren 22an.
1872: Karl Marx-en Das Kapital-en lehen liburukia Errusieraz. Edizio legala.
1879: irailaren 1ean Fédor Kerenskik (Kerenskiren aita) zuzentzen zuen Simbirsk-eko lizeoan sartu zen, 9 urterekin. Ikasle bikaina.
1883: Marx-en heriotza Londresen. Plekhanov, Vera Zasulitx eta Axelrod-ek Lanaren Emantzipazioa” lehendabiziko talde marxista errusiarra sortu zuten. Plekhanov-ek “Gure desadostasunak” idatzi zuen.
1885: Karl Marx-en Das Kapital-en bigarren liburukia Errusieraz. Edizio legala.
1886: urtarrilean, aitaren heriotza. Lenin-ek hamasei urte zituen orduan.
1887: maiatzaren 8an, Alexander anaiaren exekuzioa. Ana arrebaren atxiloketa.
1888: irailean Kazan-go unibertsitatean ikasten hasi zen. Lehendabiziko atxiloketa abenduan. Unibertsitatetik egotzia. Kazan ondoko herrixka batera deportatzen dute, zaintzapean.
1889: Samara-n lehendabiziko talde marxistan parte hartu zuen. Das Kapital-en lehen liburuaren estudiatze sistematikoa. Bigarren atxiloketa.
1890: zuzenbide ikasketak San Petersburg-en.
1891: Samarako hertzaleekin harremanetan. Apirilean Unibertsitateko azterketak egin zituen, ikasle libre gisa. Lenin-ek Plekhanov-en lanak irakurri,
1892: abokatu titulua lortzen du eta Samaran aritu zen lanean uztailetik aurrera. Hertzaleekin lehendabiziko eztabaida teorikoak, marxismoaren defentsan.
1893: udan, San Petersburg-era joan zen abokatu-lanera, Wolkestein abokatuaren bulegoan.. Talde marxistetan parte hartu zuen, langileria formatu eta antolatzen. Lehendabiziko idazkia: “Merkatuen arazoa” delakoari buruz”
1894: Moskura joan zen bizitzera. Otsailean Nadezha Krupskaia ezagutu zuen. “Nor dira Herriaren “lagunak” eta nola borrokatzen diren sozialdemokraten aurka “
1895: bidaia Suitzan (Geneva), Frantzia (Paris) eta Alemanian gaindi (Berlin). Plekhanov eta Axelrod ezagutu zituen. Engels-en heriotza. Berari buruzko artikulu nekrologikoa idatzi zuen. San Petersburg-en, Langileriaren Askapenerako Borroka Batasuna taldea sortu zuten Lenin-ek eta bere burkideek, haien artean, Martov-ek 
1896: abenduan, hirugarren atxiloketa. Espetxea.
1897: Siberiara deportatua, hiru urteko kondenarekin. “Zein herentziari egiten diogu uko?”,  “Errusiar sozialdemokraten eginkizunak”. Bund, Errusia, Polonia eta Lituaniako langile juduen batasuna sortu zuten.
1898: Urtarrilean bere deportazio-aldia amaitu zen. Errusiako Alderdi Langile Sozialdemokrata sortu zen, EALS, martxoan, lehendabiziko Kongresuan, Minsk-en, Bund-en ekimenez. Berehala zuzendaritza atxilotua izan zen. Nadezha Krupskaia-rekin ezkondu zen, uztailaren 10ean.
1899: “Kapitalismoaren garapena Errusian” argitaratu zuen. Deportazioan idatzia. Berstein-en errebisionismoaren aurka, Kautski-ren ortodoxiaren alde.
1900: Deportazioaren bukaera, urtarrilean. Apirilean, Leninek berak Alderdiaren Konferentzia bat antolatu zuen Paskov-en. Bertan, atzerrira joateko agindu zitzaion, handik Alderdi Sozialdemokrata antolatzeko, berak aldez aurretik zehaztutako planaren arabera. “Iskra” egunkariaren sorrera, abenduan.
1901: Munich-en bizi zen. Lenin (“Lena ibaiko gizona”) ezizena hartu zuen.
1902: “Zer egin?” eta “Errusiar sozialdemokraziaren nekazal programa” idatzi zituen. Iskra-ren erredakzioa Londresen kokatu zen. Trotski ezagutu zuen.
1903: Errusiako Alderdi Langile Sozialdemokrataren bigarren Kongresua, Bruselan eta Londresen. Boltxebikeak eta mentxebikeak: zatiketa erreformista eta iraultzaileen artean. Trotski mentxebikeen alde eta Leninen aurka. Honen guztiaren ondorioz, Lenin-ek Iskra utzi zuen. “Nazio  arazoa gure alderdian”.
1904: uztailean, lehendabiziko depresioa. Hilabetez Krupskaiarekin mendian, pausatzeko. “Urrats bat aurrera, bi atzera”. Bogdanov ezagutu zuen. Gorkiren laguntzaz, egunkari berri baten proiektua.
1905: urtarrilean sortu zen egunkaria: “Vperiod” (Aurrera). Igande odoltsua San Peterburg-en: 1.000 hildako baino gehiago, urtarrilaren 9an. Potemkin itsasontziaren mutina. Alderdiaren III Biltzarra, Londresen, apirilean. “Sozialdemokraziaren bi taktika Iraultza demokratikoan”. Iraultza Errusian. Lehen sobieten sorrera, urrian. Lenin San Petersburg-era joan zen. Porrota eta errepresioa abenduan. Desmoralizazioa iraultzaileen artean. Stalin ezagutu zuen.
1906: Alderdiaren IV. Kongresua:  boltxebike eta mentxebikeen batasuna.
1907: Alderdiaren V. Kongresua. Gehiengo boltxebikea.
1908: Lenin Suitzara joan zen, Genevara. Polemika Bogdanov-ekin.
1909: Lenin Parisen. “Materialismoa eta enpiriokritizismoa”, Bogdanov-en aurka. Filosofia materialista dialektikoaren aldeko liburu giltzarria.
1910: abuztuan Caprin Gorkirekin: atsedena. Kopenhagen, II Internazionalaren Kongresuan parte hartu zuen. Estokolmon ikusi zuen bere ama azken aldiz. Alderdiaren ahulezia Errusian kezkagarria da. Errepresioa. Bigarren depresioa.
1911: Ines Armand ezagutu zuen, eta bere laguntzaz, militante boltxebikeen formazio eskola bat antolatu zuen Paris ondoan. “Commune-ren oroimenez”.
1912: Alderdi Boltxebikearen sorrera, Pragako Konferentzian, urtarrilean. Polemika Trotskirekin. “Pravda” boltxebikeen egunkaria sortu zen, Stalin-en lan militanteaz. Udan, Lenin Krakoviara joan zen bizitzera, Errusiatik hurbilago.
1913: “Nazionalitateen arazoari buruzko ohar kritikoak”.
1914: abuztuan I. Mundu Gerra Inperialista lehertu zen. Lenin gerra inperialistaren aurk a agertu zen. II. Internazionalaren traizioa eta porrota, burgesiaren morroi. Lenin Polonian atxilotu zuten zenbait egunez. Poloniatik Suitzara jo zuen, Bernara. “Nazioen autodeterminaziorako eskubidea”.
1915: Leninek betikotz hautsi zuen II. Internazionalarekin, Plekhanov eta Kautskirekin. Irailean, internazionalisten Konferentzia Zimmerwald-en. “Proletalgo iraultzailea eta nazioen autodeterminaziorako eskubidea”. Hegelen obra filosofikoaren estudiatze sistematikoa, eta dialektikaren sakontzea:  “Kaiera filosofikoak 1914-1915”
1916: “Inperialismoa, Kapitalismoaren etapa gorena.” “Iraultza proletarioaren programa militarra”. Krupskaia gaixorik udan.
1917: otsailean, Iraultza Demokratikoa. Martxoan, Leninek hitzaldi garrantzitsua egin zuen Parisko Commune-ri buruz. “Urrundik idatzitako gutunak”. Suitzatik Errusiara joan zen, Alemanian gaindi, II. Reich-eko Gobernuaren konplizitatearekin, tren itxi batean. “Apirileko tesiak”. Ekainean Lenin mintzatu zen Sobieten Biltzar Orokorrean. Ekainean eta uztailean, manifestazio jendetsuak, boltxebikeak nagusitzen dira sobiet gehienetan. Kornilov jeneralaren estatu-kolpe saioa.  “Estatua eta Iraultza”, Finlandian eta sasian idatzia, ihes eginda. Urria-azaroan, Iraultza Sozialista: Lenin, Herri komisarioen burua. Bakea eskaintzen zaio Alemaniari. Negoziazioak hasi ziren.
1918: urtarriletik martxora: polemika garratza Alderdian Alemaniarekiko bakeari buruz: Trotski eta Bukharin beren kabuz. Brest-Litovsk. Hiriburua Moskurat. Abuztuan, atentatu terrorista Leninen aurka, zauri larriak. Gerra zibilaren hasiera eta Inperialismoaren eraso orokorra:  “Iraultza proletarioa eta Kautski damutua”, “Botere sobietikoaren berehalako eginkizunak”.
1919: martxoan, Internazional Komunistaren I. Kongresua. Estatu sobietikoaren definizioari buruzko eztabaida Alderdiaren VII Kongresuan. Gerra zibilak aurrera segitzen du Errusian: milioika hildako. Udan, hamalau estatu kapitalista eta inperialisten tropak sartuak ziren erasoan: Frantzia, Japonia, Alemania, Italia, Estatu Batuak, Txekoslovakia, Britainia Handia, Serbia, Txina, Finlandia, Grezia, Polonia, Errumania eta Turkia. “Biltzar Konstituziogilearen hauteskundeak eta Proletalgoaren Diktadura”.
1920: Denikin jeneral kontrairaultzailearen aurkako garaipena Siberian eta gerra zibilaren amaiera azaroan. Alderdiaren IX. Kongresua: polemika zuzendaritza unipertsonal eta kolektiboaren artean. Internazionalaren II. Kongresua udan. “Ezkerkeria, komunismoaren haur-gaixotasuna”. Sindikatuei buruzko eztabaida Alderdian, azaroan: Trotski, Lenin eta Stalinen aurka, sindikatuak militarizatzearen alde. Langile Oposizioaren plataforma.
1921: matxinada Kronstadt-en. Alderdiaren IX. Kongresua: sindikatuen polemikaren ondorioz, frakzioak debekatu ziren. Udan, Internazionalaren III Kongresua: langile fronte bateratua. Abenduan Lenin gaixotu zen. Politika Ekonomiko Berria (NEP)
1922: martxoan, Alderdiaren XI. Kongresua, Leninek txosten nagusia idatzi zuen. Apirilaren 3an Stalin Alderdiko idazkari orokorra. Maiatzaren 26an Leninen gaixotasuna larritu zen. Urrian lanean hasi zen berriz, Internazional Komunistaren IV. Kongresuan parte hartu zuen: “Errusiar Iraultzaren bost urteak eta munduko Iraultzaren perspektibak”. “Materialismo militantearen esanahiaz”. Azaroaren 20an bere azken diskurtsoa egin zuen. “Kongresuari gutuna”, abenduan. Hil horren 13an bere osasunak okerrera jo zuen. 5 gutun Trotski-ri, kanpo komertzioaren monopolioaren defentsa elkarrekin egiteko proposatuz. “Nazionalitateen arazoa edo “autonomizatzearena”, Georgiako arazo nazionalari buruz eta Sobiet batasunaren eraikuntza internazionalistaz.
1923: urtarrilaren 4an, “Kongresuari gutuna”-ri eranskina idatzi eta, bertan Stalin idazkari orokorraren postutik kentzea gomendatu zuen, bere izaera zakarrarengatik. “Gure Iraultza”, “Nola berreratu behar dugun langile eta nekazarien ikuskaritza”, “Hobe gutti, bainan hobea”. Martxoaren 5ean Stalini idatzi zion, haien arteko harremanak hausteaz mehatxatuz, eta egun berean Trotskiri gutun bat bidali zion, Georgiako arazoaren defentsan bere izenean egiteko Partiduko Komite Zentralean. Martxoaren 6an Georgiako boltxebikeen aldeko gutuna, Ordzhonikidze, Stalin eta Dzerzhinski kritikatuz. Gutun honen kopia bana eman zitzaien Trotski eta Kamenev-i. Martxoaren 10ean larriki gaixotu zen berriz.
1924: Lenin urtarrilaren 21ean hil zen, Gorkin.



LENIN
 Oinarrizko bibliografia


1.- LENIN eta ekonomia politikoa: lehen urratsak.

* Quiénes son los “amigos del pueblo” y cómo luchan contra los
    socialdemócratas. 1894
* Contribución a la caracterización del romanticismo económico. 1897
* El desarrollo del capitalismo en Rusia. 1899

2.- LENIN eta Alderdi Boltxebikearen eraikuntza.

* Las tareas de los socialdemócratas rusos. 1897
* ¿Qué hacer? 1902
* Un paso adelante, dos pasos atrás. 1904
* Dos tácticas de la socialdemocracia en la revolucióndemocrática. 1905
* La crisis en el partido. 1921
* Cartas al Congreso del Partido Bolchevique. 1922

3.- LENIN eta Nazio zapalduen autodeterminazioa.

* El problema nacional en nuestro programa. 1903
* La clase obrera y el problema nacional. 1913
* El derecho de las naciones a la autodeterminación. 1914
* El proletariado revolucionario y el derecho de las naciones a la
   autodeterminación. 1915
* La revolución socialista y el derecho de la las naciones a la
   autodeterminación. 1916
* El problema de la nacionalidades o de la “autonomización”. 1922
* Última carta. A los comunistas georgianos, en solidaridad. 1923

4.- LENIN eta estrategia integrala.

 -  Obras militares escogidas de Lenin. 1897-1922 Haien artean bereziki:
* La guerra de guerrillas 1906
* Enseñanzas de la Comuna 1908
* El militarismo belicoso y la táctica antimilitarista 1908
* El socialismo y la guerra 1915
* El programa militar de la revolución proletaria 1917
* Sobre la milicia proletaria 1917
* El marxismo y la insurrección 1917

5.- LENIN eta Iraultza zein Estatu Sozialista

* Tesis de abril. Las tareas del proletariado en la actual revolución. 1917  
* Estatua eta iraultza / El Estado y la revolución. 1917
* La revolución proletaria y el renegado Kautsky. 1918
* Tesis sobre la democracia burguesa y la dictadura del proletariado. 1919
* El izquierdismo, enfermedad infantil del comunismo. 1920
* Una vez más acerca de los sindicatos, la situación actual y los errores de
   Trotski y Bujarin. 1921

6.- LENIN eta Inperialismoa

* El imperialismo, etapa superior del capitalismo.  1916

7.- LENIN eta Filosofia

* El socialismo y la religión 1905
* Materialismo y empiriocriticismo. 1908
* Actitud del partido obrero ante la religión 1909
* Cuadernos filosóficos. 1914-1915
* Sobre el significado del materialismo militante 1922

8.- STALIN, LENINen IKASLE, BURKIDE ETA JARRAITZAILEA

* El marxismo y la cuestión nacional 1913
Leninismoaren oinarriak.1924
* ¿Trotskismo o leninismo? 1924
* La revolución ded octubre y la táctica de los comunistas rusos. 1924
* Cuestiones de leninismo. 1926
* Sobre la desviación socialdemócrata en nuestro partido. 1926
* Sobre la desviación derechista en el PC(b) de la URSS 1929
* Sobre los defectos del trabajo del partido y sobre las medidas para liquidar a
   los trotskistas y demás elementos de doble cara  1937
* Historia del Partido Comunista (bolchevique) de la URSS. 1938
* Problemas económicos del socialismo en la URSS 1952

9.- LENINen KRITIKOAK : Pannekoek, Korsch, Gorter ...

* Anton Pannekoek : Lenin, filósofo 1938
* Karl Korsch : La concepción materialista de la historia 1922
* Hermann Gorter : Carta abierta al camarada Lenin 1920

LENIN ETA LENINISMOA

“Zer da leninismoa, orduan?
Leninismoa, Inperialismoaren eta Iraultza Proletarioaren garaiko marxismoa da. Edo hobeki esanda: leninismoa orokorrean, Iraultza Proletarioaren teoria eta taktika da, eta batez ere, Proletalgoaren Diktaduraren teoria eta taktika da. Marx eta Engels garai aurre-iraultzailean (iraultza proletarioaz ari gara) aritu ziren, oraindik Inperialismo garatu bat ez zegoenean, langileak oraindik Iraultzarako trebatzen ari zirenean, Iraultza Proletario saihestezina epe laburrera gertatzeke ez zegoenean. Lenin, ordea, Marx eta Engels-en ikaslea berau, Inperialismo garatuaren aroan aritu zen, Iraultza Proletarioa zabalduz dabilen aroan, Iraultza Proletarioa, demokrazia burgesa suntsituz eta langile demokraziari eta sobieten aroari hasiera emanez, herrialde batean garaipena lortu duen aroan.
Horregatik, leninismoa marxismoaren osteko garapena da.
Leninismoaren baitan nabarmentzen dena, bere-berea duen izate iraultzaile eta borrokalari sutsua da. Hau egia bada ere, leninismoa berezi egiten duten ezaugarriak bi dira: bata, Iraultza Proletarioaren erroetatik ernaldu zela, honen zigilu-marka eramanez; eta bigarrena, II. Internazionaleko oportunisten aurkako borroka ideologikoetan, Kapitalismoaren aurka arrakastaz borrokatzeko ezinbesteko diren borroketan sendotu zela. Ezin dugu ahantzi Marx eta Engels eta Leninen artean, II. Internazionalaren oportunismoaren nagusitasunaren aro luze bat zabaltzen dela, eta oportunismo honen aurkako borroka etengabea leninismoaren zeregin garrantzitsuenetako bat dela.
Leninismoa Inperialismoaren garaian sortu eta garatu zen, Kapitalismoaren kontraesanak muturreraino iritsi zirenean, Langile Iraultza egungo ekintza-gai bihurtu zenean, langile klasearen Iraultzarako trebakuntza maila gorenean zegoenean, aro berri bat zabaltzear, hots, Kapitalismoaren aurka azken kolpea emateko aroa zabaltzear zegoenean.
Josif  STALIN, “Leninismoaren oinarriak” 1924